Wara jiem ta’ sorveljanza, f’ħidma koordinata mill-Pulizija wasslet għall-arrest ta’ 11-il persuna minn residenza fil-Birgu, li nstabu kollha jgħixu fil-pajjiż b’mod
irregolari.
Dawn il-persuni li huma mill-Bangladexx, mill-Gambja u mis-Senega, ittieħdu fiċ-Ċentru ta’ Detenzzjoni fejn inbeda l-proċess sabiex jiġu ritornati lejn il-pajjiż tal-oriġinu jew f’pajjiż fejn jistgħu jirrisjedu regolarment.
Filwaqt li dawn l-ispezzjonijiet mistennija jissoktaw fil-jiem u ġimgħat li ġejjin, il-Pulizija qed tkompli għaddejja bl-invenstigazzjonijiet tagħha.
