Grupp ta’ 12-il abbati Għawdxi kellhom l-opportunità li jkollhom udejnza ma’ Papa Franġisku hekk kif bħalissa qegħdin iservu l-artali tal-Bażilika ta’ San Pietru f’Ruma.
Ta’ kull sena d-Djoċesi t’Għawdex tagħti opportunità lil grupp ta’ abbatini minn madwar il-gżira biex jgħinu fil-quddies fil-Vatikan.
Is-Sibt li għadda, fil-Cappella del Coro tal-Bażilika ta’ San Pietru, saret il-Vestizzjoni tagħhom li tmexxiet mill-Kardinal Mario Grech fil-preżenza tal-ġenituri u l-familjari ta’ dawn l-istess abbatini u anki tat-tliet saċerdoti li qed jakkumpanjawhom, Dun Krystof Buttigieg, Dun Noel Debono u Dun Michael Curmi.
