Is-sewwieq tal-Formula Wieħed, l-Ispanjol, Carlos Sainz Jr (Ferrari), kiseb l-ewwel pole position tal-karriera tiegħu meta fil-provi uffiċjali tal-Britannja, fuq iċ-ċirkwit ta’ Silverstone, kiseb l-aħjar ħin, dak ta’ minuta u 40.983 sekondi.
Huwa għamel f’dan xita kontinwa fejn għeleb lill-kollega tiegħu, Charles Leclerc, ta’ Monaco li kellu jikkuntenta bit-tielet pożizzjoni.
Mit-tieni pożizzjoni se jibda ċ-champion renjanti u l-leader attwali, l-Olandiż Max Verstappen (Red Bull). Mir-raba’ post se jibda l-Messikan Sergio Perez (Red Bull) segwit miż-żewġ Britanniċi Lewis Hamilton (Mercedes) u Lando Norris (McLaren).
Verstappen qed jillidja l-klassifika ġenerali b’175 punt, segwit minn Perez (129) u Leclerc (126).
