Rod Cini ta’ 43 li fil-Qorti qal li ‘għandux indirizz fiss fejn jgħix ġie kkundannat 14-il xahar ħabs wara li ammetta li seraq flus lil raġel li kien f’banka tal-lottu f’San Ġiljan.
L-imputat ammetta li wettaq dan ir-reat fis-27 ta’ Novembru li għadda bejn is-7.00p.m. u l-10.00p.m. f’banka tal-lottu li tinsab fi Triq San Ġorġ San Ġiljan.
Quddiem il-Qorti, Cini ammetta wkoll li kiser żewġ ordinijiet ta’ trattament maħruġa mill-Maġistrat Gabriella Vella u li kiser sentenzi tal-Qorti tal-Maġistrati.
Il-Maġistrat Giannella Camilleri Busuttil, minbarra li kundannat lil Cini 14-il xahar ħabs ħarġet ordni ta’ trattament għal 3 snin biex b’hekk ikun jista’ jindirizza l-problema tad-droga.
Ġie ordnat ukoll li jirrifondi l-€450 li seraq lill-vittma.