Sittax mill-91 immigrant li ddaħħlu Malta lbieraħ irriżultaw pożittivi għall-Covid-19. Dan kien ikkonfermat mill-Ministeru għas-Saħħa.
Fi stqarrija, il-Ministeru għas-Saħħa qal li bħalma hija l-proċedura normali, l-immigranti se jkunu qed jinżammu fi kwarantina u jiġu ttestjati. L-immigranti li nstabu li huma pożittivi se jibqgħu jinżammu f’iżolament fil-Ħal Far Initial Reception Centre u l-bqija se jibqgħu fi kwarantina u jiġu segwiti.
