Kien eżatt bħal-lum ta’ 18-il sena meta Dominic Grech kien tilef il-battalja tiegħu mal-mard u ħalla din id-dinja fl-età ta’ 55 sena.
Minkejja li għaddew daqshekk snin xorta waħda Grech għadu jiġi mfakkar f’diversi kunċerti b’mod partikolari minħabba li kien il-kompożitur tal-kanzunetta ferm popolari “Xemx”.
Domnic Grech kien imexxi l-band tant popolari The Tramps li minn din il-band ħarġu diversi kanzunetti popolari.
Hu kien miżżewweġ lil martu Pauline u kellu 4 subien, George, Christian, Richard u Mark. Ta’ min jirrimarka li tnejn minn uliedu ħarġu wkoll mużiċisti. Mark idoqq ma’ diversi gruppi filwaqt li Richard filwaqt li hu kompożitur hu stess illum hu wieħed mill-aqwa sound engineers li hawn f’pajjiżna.
