Friday, September 20, 2024

252 każ ġdid; 42 pazjent l-Isptar minħabba l-Covid-19

Aqra wkoll

Fl-aħħar aġġornament dwar is-sitwazzjoni tal-Covid-19 f’pajjiżna, l-awtoritajiet tas-saħħa ħabbru li l-każi attivi bħalissa huma ta’ 2,190.

Dan hekk kif mit-testijiet li saru matul l-aħħar 24 siegħa feġġew 252 każ ġdid filwaqt li 80 oħra ġew dikjarati bħala mfejqa mill-virus.

Fl-istess waqt l-ammont ta’ pazjenti li bħalissa jinsabu l-Isptar Mater Dei għall-kura minħabba l-Covid-19 huma 42, b’ħamsa minnhom li jinsabu fit-Taqsima tal-Kura Intensiva.

L-ammont ta’ mwiet baqa’ ta’ 471 hekk kif fl-aħħar 24 siegħa ma ġiet reġistrata l-ebda mewt kawża tal-Covid-19.

Il-programm ta’ vaċċinazzjoni baqa’ għaddej b’mod tajjeb hekk kif l-awtoritajiet tas-saħħa qalu li sal-bieraħ b’kollox ingħataw 1,012,731 doża tal-vaċċin. Minn dawn hemm 172,357 li huma dożi tal-booster.

Sport