L-għadd ta’ minuri protetti b’ordni ta’ ħarsien (care order), maħruġa mill-Aġenzija Appoġġ, jammonta għal 278. Qal dan il-Ministru għall-Familja, Drittijiet tat-Tfal u Solidarjetà Soċjali Michael Fazon meta kien qed jirrispondi Mistoqsija Parlamentari li saritlu mid-Deputat Nazzjonalista Ivan Bartolo.
Il-Ministru Falzon qal li r-raġunijiet għaliex dawn il-minuri qegħdin taħt ordni ta’ ħarsien huma primarjament:
- Negliġenza mill-familjari,
- Inabbiltà li tiġi eżerċitata l-funzjoni ta’ ġenitur minħabba problemi ta’ saħħa fiżika jew saħħa mentali;
- Mewt tal-ġenituri;
- Abbuż fiżiku;
- Abbuż sesswali;
- Kwalunkwe riskji oħra li l-minuri jista’ ikun espost għalihom fl-ambjent tad-dar fejn ikun qed jgħix mal-familjari tiegħu.
