Minn Jannar 2015 sa April 2020 kien hawn 326 persuna f’Malta li kellha l-HIV, il-virus li jista’ jwassal għall-AIDS.
Kien id-Deputat Prim Ministru u Ministru għas-Saħħa Chris Fearne li ta dan it-tagħrif fil-Parlament għal mistoqsija tad-deputat Nazzjonalista Claudette Buttigieg.
L-istess deputata staqsiet ukoll dwar mediċini ġodda għal dawn il-pazjenti b’Fearne iweġibha li għas-sejħa pubblika li ħarġet fi Frar li għadda kien hemm erba’ kumpaniji li tefgħu offerta biex jipprovdu mediċini ġodda.
Il-Ministru tas-Saħħa żied li dawn il-mediċini l-ġodda se jiddaħħlu fil-formularju li dejjem jiġi aġġornat bl-aħħar żviluppi.