Imexxija minn Dr Franco Mercieca, wieħed mill-aqwa speċjalisti tal-għajnejn f’pajjiżna, 4 ophthalmoloġisti telqu lejn il-Gwatemala biex jagħmlu ġimgħat ta’ volontarjat.
Huma se jkunu qegħdin jassistu li Dun Anton Grech, missjunarju Għawdxi li ilu jgħin f’dan il-pajjiż għal diversi snin.
L-għan tagħhom fil-Gwatemala se jkun li jagħmlu operazzjonijiet tal-għajnejn u anke jaraw pazjenti oħrajn li qegħdin ibatu mill-vista.
Dun Anton Grech bħalissa għaddej bi proġett kbir fejn qiegħed jipprova joħroġ diversi tfal mill-miżbla fejn jgħixu biex b’hekk tal-inqas jibdew jingħataw l-edukazzjoni. Se jkun qiegħed ukoll jibni ċentru biex dawn il-povri jkollhom fejn jinħaslu u anke fejn imorru jorqodu matul il-lejl. Bħalissa fil-miżbla hemm jgħixu madwar 30 familja.
