In-numru ta’ kawżi pendenti quddiem il-Qorti tal-Maġistrati ta’ Għawdex hemm 405 każi pendenti. Qal dan il-Ministru għall-Ġustizzja, l-Ugwaljanza u l-Governanza Edward Zammit Lewis meta kien qed iwieġeb mistqosija parlamentari tad-Deputat Nazzjonalista Jason Azzopardi.
Il-Maġistrat Monica Vella għandha total ta’ 147 każ pendenti, b’każ minnhom imur lura għall-1984.
Il-Maġistrat Simone Grech għandha 83 każ pendenti, b’żewġ każi pendenti mill-1973.
Il-Maġistrat Brigitte Sultana għandha 175 każ pendenti, b’każ imur lura għall-1990.