Ġewwa l-Istati Uniti l-kumpanija Uber qiegħda tiġi mfittxija bil-qorti minn 550 mara li allegatament ġew aggrediti sesswalment minn xufiera li jaħdmu ma’ din il-kumpanija.
Fil-kawżi li feħtu, il-vittmi qed jallegaw ħtif, aggressjoni sesswali, stupru u anke fastidju minn xufiera ta’ Uber hekk kif dawn kienu qegħdin jużaw is-servizz. Kelliemi għal Uber li tkellem ma’ BBC qal li aggressjoni sesswali hija delitt orribbli u wiegħed li kull rapport se jkun qiegħed jittieħed b’serjetà kbira. L-istess kelliemi temm jgħid li għal Uber ma hemm xejn iktar importanti mis-sigurtà tal-klijenti.
Il-każijiet imressqa jidher li jmorru lura għall-2014, u dawn allegatament seħħew f’numru ta’ stati differenti.
