B’kollox hemm 589 priġunier fil-Faċilità Korrettiva ta’ Kordin. Ikkonferma dan il-Ministru għall-Intern u s-Sigurtà Byron Camilleri fi tweġiba għal mistoqsija parlamentari mressqa mid-Deputat Nazzjonalista Charles Azzopardi.
Mistoqsi minn Azzopardi rigward l-ammont ta’ priġunieri barranin fl-aħħar fl-aħħar sitt snin, il-Ministru Camilleri kkonferma li fl-2017 kien hemm 264, 283 fl-2018, 531 fl-2019, 673 fl-2020, 475 fl-2021 u 259 s-sena li għaddiet.
