L-eks plejer ta’ Juventus u Arsenal Aaron Ramsey se jkun qed iġedded il-kuntratt tiegħu ma’ Nice fi Franza. Dan tal-aħħar għandu 32 sena u spikka ferm mat-tim li jilgħab fil-Ligue 1 Franċiża. S’issa hu lagħab 28 logħba u skorja gowl.
Il-kowċ ta’ Nice Didier Digard faħħar il-kwalitajiet tekniċi ta’ Ramsey u qal li l-pożizzjoni tiegħu f’nofs il-grawnd hi waħda fundamentali għat-tim tiegħu hekk kif verament kien kapaċi jgħaqqad id-difiża mal-attakk.
Ramsey lagħab ukoll 80 logħba mat-tim nazzjonali ta’ Wales fejn skorja 20 gowl.
