L-attakkant Portugiż Rafael Leao kien strumentali fir-rebħa li AC Milan kellhom kontra Dinamo Zagreb fil-fażi tal-gruppi tal-UEFA Champions League. Id-diriġent tar-Rossoneri, Paolo Maldini, tkellem mal-ogħla awtoritajiet tal-club bl-għan prinċipali hu dak li jipperswadu lill-player żagħżugħ sabiex iġedded il-kuntratt tiegħu.
Bħalissa Leao hu marbut ma’ Milan sat-30 ta’ Ġunju 2024 bir-rappreżentant tiegħu Jorge Mendes li lest jibda jitkellem mad-diriġenti Milanisti għalkemm irid żieda fis-salarju attwali tal-player.
