Kif mistenni, AC Milan ikkonfermaw l-akkwist ta’ Yacine Adli, għalkemm huwa se jibqa’ misluf ma’ Bordeaux għall-istaġun 2021-22.
Il-midfielder kreattiv ta’ 21 sena kellu t-testijiet mediċi tiegħu lbieraħ u temm it-trasferiment għal € 8m flimkien ma’ €2m oħra f’bonuses.
Bordeaux kienu inizjalment irrifjutaw dik il-proposta, iżda aċċettaw ladarba r-Rossoneri offrew li jħallu lil Adli fi Franza għal staġun ieħor.
Huwa ffirma l-kuntratt flimkien mad-diretturi Ricky Massara u Paolo Maldini fil-jum tal-iskadenza tat-trasferimenti, u ffirma kuntratt li jibqa’ sejjer sa Ġunju 2026.
Prodott tal-akkademja taż-żgħażagħ ta’ PSG, huwa ngħaqad ma’ Bordeaux f’Jannar 2019 għal €5.5m.
Huwa skorja ħames goals fi 72 logħba kompetittiva għal Bordeaux.
Milan għamlu bosta akkwisti tardivi, u akkwistaw ukoll lil Junior Messias b’self b’għażla li jinxtara mingħand Crotone, Tiemoue Bakayoko fi trattattiva simili mingħand Chelsea u Pietro Pellegrini b’self b’għażla li jinxtara mingħand Monaco, għalkemm dak jista’ jsir obbligu jekk ċerti kundizzjonijiet ikunu mmaterjalizzati.
