Il-ko-proprjetarju ta’ Crystal Palace, Steve Parish, tkellem dwar l-interess ta’ Manchester United fil-midfielder Adam Wharton u qal li, fil-futur, il-plejer x’aktarx ikun jixtieq jilgħab fil-UEFA Champions League jekk mhux ma’ Palace stess, ma’ klabb ieħor.
Parish iddeskriva lil Wharton bħala talent straordinarju, u spjega li bħalissa l-attenzjoni tiegħu hija ffukata kompletament fuq iż-żmien tiegħu ma’ Palace, speċjalment wara li s-sena l-oħra kellu staġun imħallat minħabba injury fil-groin, problema komuni fost plejers żgħażagħ.
Meta ġie mistoqsi b’mod speċifiku dwar ir-rabtiet ma’ Manchester United, Parish insista li ma hemm ebda pressjoni reali fuq il-klabb biex ibigħu lil Wharton, u lanqas mill-plejer innifsu biex imur Old Trafford. Huwa żied jgħid li Wharton għandu kuntratt fit-tul u għalhekk m’hemmx raġuni għal tħassib jew għal xi trasferiment imminenti.