L-attakkant internazzjonali Niġerjan Ademola Lookman rebaħ il-Ballun tad-Deheb tal-Afrika għas-sena 2024. Hu kellu l-aħħar tnax-il xahar maġiċi li laħaq il-qofol tiegħu f’Mejju li għadda meta f’Dublin għen lil Atalanta jirbħu l-UEFA Europa League u skorja hat-trick fir-rebħa ta’ 3-0 kontra ċ-champions Ġermaniżi Bayer Leverkusen.
Sadanittant, il-plejer ta’ 27 sena għeleb l-isfida tal-Marokkin Acraf Hachimi u l-plejer mill-Guinea Sehou Guirassy sabiex kiseb dan is-suċċess mhux biss personali għalih iżda wkoll għan-Niġerja.
