Wara l-kwistjoni tas-sajf bejn Atalanta u Ademola Lookman jidher li ż-żewġ partijiet għamlu paċi tant li l-attakkant Niġerjan reġa’ sab postu fit-tim. Skont xi siti elettroniċi li jispeċjalizzaw fuq is-suq tat-trasferimenti, il-klabb min-naħa ta’ fuq tal-Italja jinsab lest li joffrilu tiġdid tal-kuntratt b’żieda fis-salarju sa tliet miljun ewro fis-sena, iżda s’issa ma waslet l-ebda proposta uffiċjali lill-plejer.
Lookman għandu 27 sena u ilu ma’ Atalanta tliet snin.