Il-Papa Emeritu Benedittu XVI ġie midfun fl-istess qabar li kien hemm il-Papa San Ġwanni Pawlu II.
Wara l-funeral tiegħu li tmexxa minn Papa Franġisku fi Pjazza San Pietru fil-Vatikan, il-katavru ta’ Benedittu XVI ttieħed lejn il-kripta li tinsab taħt il-Bażilika.
Kif inhi t-tradizzjoni, il-Papa Emeritu tpoġġa fi 3 itwiebet. It-tebut taż-żingu jiġi ssiġillat ftit minuti qabel id-difna.
Għad-difna tiegħu attendew numru żgħir ta’ persuni fosthom l-Arċisqof Ġermaniż Georg Gänswein li kien is-segretarju privat ta’ Benedittu XVI.
