Raġel kellu jiddaħħal l-Isptar wara li lbieraħ, għall-ħabta tal-4:00 p.m., kien involut f’inċident tat-traffiku li seħħ fi Triq Villabate f’Ħaż-Żabbar.
Minn stħarriġ illi sar irriżulta li kienet seħħet ħabta bejn mutur Kymco AK550 misjuq minn raġel ta’ 42 sena residenti Marsaskala u karozza BMW 118D misjuqa minn raġel ta’ 36 residenti Ħaż-Żabbar.
Fil-post issejħet ambulanza u tim mediku li assista lis-sewwieq tal-mutur sakemm huwa seta’ jittieħed lejn l-Isptar Mater Dei għal iktar kura. Iktar tard huwa ġie ċċertifikat li qed isofri minn ġrieħi gravi.
L-investigazzjonijiet mill-Pulizija għadhom għaddejjin.
