Ajax xejn m’huma għaddejjin minn mument tajjeb fil-kampjonat Olandiż hekk kif fi tmiem din il-ġimgħa ġew miżmuma fi draw ta’ 3-3 kontra t-tim modest ta’ Emmen. L-istatistika xejn m’hi favorevoli għalihom hekk kif minn 13-il partita, huma rebħu erbgħa filwaqt li tilfu sitt partiti.
Diversi kritiċi tal-futbol internazzjonali qed jgħidu li wara l-eliminazzjoni tat-tim minn Amsterdam mill-UEFA Champions League, dan it-tim qabad in-niżla filwaqt li bosta minnhom qed jispekulaw li l-kowċ Alfred Schreuder jista’ jiġi mneħħi mill-kariga fil-jiem li ġejjin.
