Ajax qablu li jħallsu €7.85 miljuni lill-familja ta’ Abdelhak Nouri wara li kura “inadekwata” ħalliet lill-midfielder bi ħsara serja permanenti f’moħħu.
Nouri, li dak iż-żmien kellu 20 sena, sofra arrest kardijaku waqt logħba ta’ ħbiberija kontra Werder Bremen f’Lulju tal-2017.
Investigazzjoni sabet li l-mediċi qattgħu wisq żmien jippruvaw inaddfu l-passaġġi tan-nifs tiegħu u kienu tard wisq biex jużaw defibrillatur.
Ajax ħallsu għall-kura tiegħu minn dak in-nhar u jgħidu li hekk se jkomplu jagħ–mlu.
Nouri kien internazzjonali Olandiż ta’ taħt il-21 sena u kien lagħab 15-il darba mal-ewwel team ta’ Ajax.
Il-familja ta’ Nouri ħarrku lill-club u issa qablu dwar soluzzjoni amikevoli, minflok ma marru għand il-kumitat tal-arbitraġġ tal-KNVB.
Il-manager ġenerali ta’ Ajax, Edwin van der Sar, qal: “Huwa tajjeb li ntlaħaq ftehim, biex inkunu nistgħu nikkonkludu dan.