Ajruplan privat li telaq minn Milan fuq titjira lejn Malta kellu jagħmel inżul t’emerġenza f’ajruport f’Palermo, Falcone Borsellina, minħabba li tilef ammount ta’ fjuwil matul it-titjira. L-imsemmi ajruport kellu jingħalaq għal madwar siegħa.
Abbord kien hemm seba’ passiġġieri.
Il-midja Taljana rrappurtat li numru ta’ pumpiera intervjenew f’din l-emerġenza fejn stennew l-ajruplan fir-runway sabiex jassistuh biex jillandja. Waqt il-proċedura waqa’ xi fjuwil fuq l-istess runway.
Kawża ta’ din il-proċedura t’emerġenza, erba’ titjiriet ġew affettwati u kellhom isibu rotta alternattiva għal ajruporti oħra Sqallin sakemm ma reġa’ nfetaħ l-ajruport.
