Thursday, April 3, 2025

Aktar kumpaniji fil-Qorti dwar sfruttament ta’ food couriers

Aqra wkoll

Quddiem il-Maġistrat Donatella Frendo Dimech kompla jinstema’ l-każ dwar l-isfruttament ta’ food couriers li ġew imċaħħda minn kundizzjonijiet skont il-liġi Maltija minn min kien iħaddimhom. 

Wara li l-ġimgħa l-oħra nstema’ kif dawn il-food couriers kellhom jieħdu bejniethom ħlas ta’ €200,000 f’arretrati fil-perjodu bejn l-1 ta’ Marzu 2024 u t-30 ta’ Ġunju 2024, ilbieraħ tressqu aktar kumpaniji fejn il-maġġoranza tagħhom ammettew l-akkużi li kienu jinkludu tnaqqis illegali mill-pagi dovuti lill-ħaddiema tal-pjattaforma u kif ukoll nuqqas ta’ ħlas tal-bonuses statutorji. 

Akkużi oħra kienu jinkludu li naqsu milli jiżguraw li kull ħaddiem ikollu perjodu minimu ta’ mistrieħ u li ma ħallsux bir-rata doppja lil ħaddiema li ħadmu fil-ġranet ta’ mistrieħ.

Minn 19-il kumpanija, 11 ammettew filwaqt li l-każ kontra sebgħa oħra se jkompli jinstema’ fix-xhur li ġejjin. Sadanittant, kumpanija oħra kellha titressaq il-Qorti b’mandat t’arrest wara li naqset milli tidher għas-seduta tal-ġimgħa l-oħra. 

Il-każ ikompli fid-29 ta’ Ottubru.

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport