L-azzjoni tat-tlielaq f’Malta tibda għada l-Erbgħa, 19 ta’ Ottubru, bil-Yachting Malta Coastal Race. Organizzata mir-Royal Malta Yacht Club, it-tiġrija ta’ jum hija opportunità perfetta għall-flotta internazzjonali biex tiffamiljarizza ruħha mal-kosta Maltija qabel l-avveniment ewlieni: it-43 edizzjoni tar-Rolex Middle Sea Race tibda nhar is-Sibt, 22 ta’ Ottubru.
Il-Yachting Malta Coastal Race wriet żieda fil-popolarità matul l-aħħar snin u hija dejjem tellieqa kompetititiva. Huma mistennija ‘l fuq minn 50 jott, numru li mistenni jaqbez il-parteċipazzjoni ta’ 42 dgħajsa tas-sena l-oħra. Il-flotta tal-2022 tinkludi spettru tajjeb tat-timijiet li qed jinġabru f’Malta għar-Rolex Middle Sea Race.
Il-Yachting Malta Coastal Race se tibda fl-1000 ta’filgħodu minn Tigné Point, fid-daħla tal-Port ta’ Marsamxett, qrib ir-Royal Malta Yacht Club. It-tellieqa se ssegwi korsa lejn Kemmuna. Il-limitu tal-ħin huwa sal-ħamsa ta’filgħaxija, fejn il-jottijiet mistennija li jispiċċawaw barra Tigné Point.
Ir-rebbieħ ġenerali tal-Yachting Malta Coastal Race se jiġi deċiż mill-aħjar ħin korret taħt l-IRC Rating System. Jingħataw ukoll premjijiet ta’ klassi individwali f’ċerimonja ta’ għoti ta’ premjijiet organizzata waqt ir-Riċeviment għas-Sidien, nhar l-Erbgħa filgħaxija.
Imnedija fl-2015, Yachting Malta hija sħubija bejn il-Gvern ta’ Malta u r-Royal Malta Yacht Club. Ir-rwol primarju ta’ Yachting Malta huwa li tidentifika u tattira avvenimenti ta’ jottijiet ta’ profil għoli lejn il-gżejjer Maltin. Yachting Malta appoġġat il-Coastal Race għal dawn l-aħħar erba’ snin kif ukoll appoġġjat il-live streaming tal-bidu tar-Rolex Middle Sea Race.
Għal aktar informazzjoni dwar Yachting Malta żur: https://yachtingmalta.org
Għal aktar informazzjoni dwar il-Yachting Malta Coastal Race: www.rolexmiddlesearace.com
Lista sħiħa tal-partecipanti tal-Yachting Malta Coastal Race ta’ din is-sena tinsab fuq
