Il-Pulizija llum ressqet b’arrest fil-Qorti t’Għawdex, quddiem il-Maġistrat tal-Għassa Dr Brigitte Sultana LL.D, raġel mill-Albanija ta’ 32 sena u residenti x-Xlendi, Għawdex.
Ir-raġel ġie akkużat li nhar il-5 ta’ Lulju, 2020, għall-ħabta tal-11.20 p.m., waqt li kien fi stabbiliment fi Triq il-Ġostra, Xlendi, Għawdex, ta fastidju sesswali lil mara mingħajr il-kunsens tagħha.
Hu ġie akkużat ukoll li għamel dawn l-atti f’post pubbliku u li qal kliem oxxen fil-pubbliku.
L-akkużat wieġeb ħati għall-akkużi miġjuba fil-konfront tiegħu.
Is-sentenza mistennija tingħata fil-jiem li ġejjin, bl-akkużat jinżamm taħt arrest.
Il-prosekuzzjoni f’dan i
