L-ogħla awtoritajiet ta’ Genoa Calcio ikkonfermaw li Alberto Gilardino se jibqa’ l-coach tagħhom anke matul l-istaġun li ġej. Il-coach ta’ 40 sena għen lil i Grifoni jiksbu l-promozzjoni għas-serie A.
L-istorja mat-tim mill-belt ta’ Genova bdiet fl-1 ta’ Lulju tas-sena l-oħra meta kien inħatar bħala coach ta’ Genoa Primavera.
Minkejja kollox, wara li Genoa ma kinux sejrin tajjeb fis-serie B, huma neħħew lill-coach Alexander Blessin sabiex ħatru lil Gilardino li mexxa lit-tim għas-suċċess finali.
