Tottenham Hotspur mistennija jagħmlu offerta għad-difensur ta’ Inter, Alessandro Bastoni, matul is-suq tat-trasferimenti tas-sajf.
Wara tmiem qawwi tal-istaġun, Spurs jeħtieġu punt biss mill-aħħar partita tagħhom tal-Premier League kontra Norwich City il-Ħadd wara nofsinhar biex jassiguraw post fiċ-Champions League għall-istaġun 2022-23.
Dik il-kisba x’aktarx tagħmel differenza sinjifikanti meta Spurs jiġu biex jippruvaw jiffirmaw players ġodda fix-xhur li ġejjin, b’Antonio Conte partikolarment ħerqan li jsaħħaħ fid-difiża u nofs il-ground.
