Arsenal jistgħu idawru l-attenzjoni tagħhom lejn id-difensur xellugi ta’ Benfica, Alex Grimaldo, jekk jonqsu milli jikkonvinċu lid-difensur ta’ Ajax, Lisandro Martinez, milli jingħaqad magħhom.
Oriġinarjament il-Gunners kienu maħsuba li kienu favoriti iktar minn Manchester United fit-tellieqa biex jiffirmaw lil Martinez ta’ 24 sena, iżda diġà raw żewġ offerti miċħuda mill-ġganti ta’ Amsterdam.
Madankollu, issa qed jingħad li l-club immexxi minn Erik ten Hag kellu taħditiet pożittivi dwar ftehim għall-player internazzjonali Arġentin, li għadu qed jiddeċiedi jekk imurx jilgħab fl-Emirates Stadium jew inkella f’Old Trafford.