Il-gowlkiper Alexander Nubel se jħalli lil Bayern Munich sabiex imur jilgħab ma’ VFB Stuttgart. F’dawn l-aħħar żewġ staġuni, il-gowlkiper ta’ 26 sena kien misluf lil AS Monaco fi Franza iżda ġaladarba skadielu ż-żmien tas-self irritorna fi Munich fejn iżda qalulu li m’hemmx bżonn jagħmel it-testijiet mediċi minħabba li ma jiffurmax parti mit-tim għall-istaġun li ġej.
Nubel mhux beħsiebu jagħmel staġun bilqiegħda fuq il-bank tas-sostituti u għalhekk qed japprova t-trasferiment eventwali tiegħu ma’ Stuttgart.
