Id-diriġenti ta’ Roma jinsabu xi ftit jew wisq inkwetati fuq il-kundizzjoni fiżika tal-winger Alexis Saelemaekers li weġġa’ fil-logħba li i Giallorossi kellhom kontra Genoa u li spiċċat fi draw ta’ 1-1.
Il-plejer Belġjan ħareġ mill-grawnd fil-50 minuta u deher mal-ewwel li weġġa’ sew. Hu mar direttament fil-klinika tal-klabb biex jagħmel it-testijiet mediċi u jidher li kiser il-pexxun. Fil-ħin li ġej, it-tobba joħorġu l-bullettin mediku tagħhom.
Saelemaekers għandu 25 sena u kien qed jilgħab l-ewwel logħba bil-flokk Giallorosso.