L-attakkant internazzjonali Ċilen Alexis Sanchez iffirma kuntratt ġdid ma’ Inter sabiex beda t-tieni avventura tiegħu fil-belt ta’ Milan.
Wara li fl-istaġun li għadda kien ma’ Olympique Marseille, El Nino Maravilla, kif inhu mlaqqam, qal li jinsab emozzjonat sabiex jibda t-tieni perjodu tiegħu man-Nerazzurri. Hu qal li ma kinitx deċiżjoni diffiċli li jirritorna ma’ Inter u jixtieq li jagħti kontribut sabiex l-objettivi staġjonali jintlaħqu.
Aktar tard ilbieraħ, Sanchez kellu t-testijiet mediċi għalkemm diffiċli li jiġi inkluż fi tmiem din il-ġimgħa fil-partita li Inter għandhom kontra Cagliari.