Il-goalkeeper Brażiljan ta’ Liverpool Alisson spjega kemm hu jinsab għal qalbu mar-Reds u li ma ħasibhiex darbtejn sabiex iwarrab kull spekulazzjoni li kien se jingħaqad ma’ xi tim mill-Arabja Sawdija. Hu sostna li l-flus ma jagħmlux bih u aktar ifittex il-professjonalita’ u s-servizz lejn klabb partikolari.
L-eks goalkeeper ta’ Roma għandu kuntratt f’Anfield Road sas-sena 2027 u beħsiebu jonorah kollu. B’kollox hu lagħab 202 logħbiet ma’ Liverpool u saħansitra skorja gowl magħhom.
