Manchester United laħqu ftehim ma’ Amad Diallo li se jkun qed iġedded il-kuntratt tiegħu f’Old Trafford. Dan il-plejer għandu 22 sena u se jkun qed iġedded il-kuntratt tiegħu għas-sentejn li ġejjin. Hu se jkun qed jiżdiedlu s-salarju tiegħu wara ftehim mad-diriġenti tar-Red Devils.
Diallo ilu ma’ Manchester United sa mis-sena 2021 wara esperjenzi ma’ Atalanta, Rangers u Sunderland. Hu deher 30 darba bil-flokk tal-United filwaqt li skorja erba’ gowls.
