Amnesty International ikkundannat il-vjolenza rapportata fil-belt Niġerjana ta’ Lagos b’forzi tas-sigurtà joqtlu għexieren ta’ dimostranti li niżlufit-toroq jipprotestaw kontra l-brutalità tal-pulizija.
Xhieda u l-midja lokali qalu li l-biċċa l-kbira tal-isparaturi seħħew fiż-żona ta’ Lekki fil-belt.
Dawn l-aħħar ġimagħtejn kienu kkaratterizzati minn protesti f’diversi bliet fil-pajjiż kont l-Iskwadra Speċjali ta’ Kontra s-Serq (SARS), taqsima tal-pulizija li l-gruppi favur id-drittijiet tal-bniedem qalu li taħti għal diversi abbużi, fosthom vjolenza u torturi fil-konfront ta’ persuni ċivili.
Amnesty International has received credible but disturbing evidence of excessive use of force occasioning deaths of protesters at Lekki toll gate in Lagos. #EndSARS #Lekki #Nigeria
— Amnesty International Nigeria (@AmnestyNigeria) October 20, 2020
Il-Gvern Niġerjan, mindu bdew il-protesti, xolja din it-taqsima madankollu l-protesti komplew.
Il-moviment ta’ protesta, magħruf bħala #endSARS, attira l-attenzjoni tal-komunità internazzjoni, b’bosta politiċi – fosthom l-eks-Segretarja għall-Istat Amerikan Hillary Clinton – jappellaw lill-awtoritajiet Niġerjani biex iwaqqfu l-azzjonijiet tagħhom kontra d-dimostranti.
I’m calling on @mbuhari and the @hqnigerianarmy to stop killing young #EndSARS protesters. #StopNigeriaGovernment
— Hillary Clinton (@HillaryClinton) October 20, 2020
Matul dawn l-aħħar jiem kienu rapportati wkoll diversi każi ta’ serq u nirien madwar il-pajjiż.
Bil-għan li tiġi kkontrollata s-sitwazzjoni l-awtoritajiet anke daħħlu fis-seħħ curfew indefinit f’diversi bliet, inkluż f’Lagos.
