Ancelotti emozzjonat wara l-aħħar logħba tiegħu ma’ Real Madrid

Il-kowċ veteran Taljan Carlo Ancelotti, fil-konferenza stampa tiegħu wara l-logħba kontra Real Sociedad li t-tim tiegħu rebaħ 2-0 ilbieraħ, qal li ħass emozzjoni kbira fl-aħħar logħba tiegħu fit-tmun tal-Merengues, iżda se jitlaq mill-belt kapitali Spanjola b’sodisfazzjon u ferħ. Esprima gratitudni lejn il-klabb, il-plejers u l-istaff, u qal li dejjem kellu relazzjoni tajba mal-president. Faħħar lil Modrić u rringrazzja anke lill-kok tal-klabb li tant kien jieħu paċenzja bih meta kien isajjarlu l-ikel favorit tiegħu, il-pasta carbonara. Żied li Xabi Alonso għandu l-potenzjal imexxi lil Real Madrid, u stieden lis-suċċessur tiegħu biex igawdi kull mument f’dan il-klabb prestiġjuż.