Andrea Agostinelli se jkun qed iħalli lil Gudja United sabiex jingħaqad ma’ Benevento Calcio fis-serie B Taljana. Dan kollu seħħ hekk kif dak preżenti Roberto Stellone ħabbar ir-riżenja tiegħu fit-tmexxija tal-klabb li bħalissa jinsab fl-aħħar post tal-klassifika b’periklu kbir li jiġu relegati.
Benevento tilfu l-aħħar logħba fi tmiem din il-ġimgħa kontra SPAL 3-1 f’darhom u se jkunu qed jaħtru r-raba’ coach tagħhom għal dan l-istaġun xejn feliċi.
Agostinelli kien ilu jmexxi lil Gudja United sa mill-bidu ta’ dan l-istaġun fejn għenhom isalvaw posthom fil-kampjonat Premier.
