L-attakkant internazzjonali Taljan Andrea Belotti ġedded il-kuntratt tiegħu ma’ Roma sas-sena 2025. L-eks plejer ta’ Torino qal li jinsab ferm kuntent jilgħab fil-belt kapitali Taljana u jittama li fl-istaġun li ġej ikun iktar deċiżiv għat-tim tiegħu.
Fl-ewwel staġun tiegħu fi Stadio Olimpico, Belotti lagħab 31 partita iżda naqas milli jsib ix-xibka darba. Minkejja kollox, id-diriġenti ta’ Roma poġġew il-fiduċja fih u se jtuh ċans sabiex juri l-potenzjal tiegħu fix-xhur li ġejjin.
