Andrea Pisanu, kowċ ta’ Hibernians, rebaħ l-unur tal-Motors Inc. Kowċ tax-Xahar ta’ Novembru 2022.
F’Novembru, Hibernians taħt Pisanu lagħbu żewġ logħbiet, draw kumbattut ta’ 1-1 ma’ Birkirkara segwit minn rebħa 2-1 fuq Pietà Hotspurs li pppermettew lil Hibernians ikompli bil-mixja tagħhom għall-post mal-ewwel sitta fit-tieni fażi tal-Kampjonat.
Pisanu ħa post Sanderra fit-tmexxija ta’ Hibernians f’Lulju ta’ din is-sena, u minn dakinhar Hibernians rebħu l-BOV Super Cup.
Il-kowċ kiseb l-akbar ammont ta’ voti, fil-votazzjoni li tittieħed mill-captains tat-timijiet tal-Premier League, mit-team managers, staff tekniku u l-media.
Hubert Baldacchino Brand Manager ta’ KIA ippreżenta t-trofew Motors Inc. Kowċ tax-Xahar għal Novembru 2022 lill-kowċ Pisanu li għażel lill-Fondazzjoni Puttinu Cares biex tibbenefika mill-għotja marbuta ma’ dan l-unur.
Stabbiliti fl-2016, Motors Inc. Limited huma d-distributuri uffiċjali ta’ Jeep, li huma magħrufa madwar id-dinja. Motors Inc. huma wkoll id-distributuri loklai ta’ Kia, Alfa Romeo, Fiat, Iveco, Abarth and Hyundai.
