Hibernians ikkonfermaw li Andrei Agius inħatar bħala l-assistant coach tal-ewwel skwadra.
Andrei se jkompli fir-rwoli attwali tiegħu bħala Direttur Tekniku tal-Akkademja tal-Futbol ta’ Hibernians u kowċ tat-tim ta’ taħt is-17-il sena, u b’hekk jiżgura konnessjoni b’saħħitha bejn is-sistema ta’ żvilupp taż-żgħażagħ tagħna u l-iskwadra tal-kbar.
Fi stqarrija, Hibernians FC qalu li bl-esperjenza, it-tmexxija, u l-fehim profond tiegħu tal-filosofija tal-klabb, Andrei jinsab f’pożizzjoni perfetta biex jikkontribwixxi għat-tkabbir kontinwu tal-klabb kemm fil-grawnd kif ukoll barra minnu.