Il-manager ta’ Liverpool. Jurgen Klopp, ikkonferma li Andrew Robertson u Arthur Melo se jitilfu t-tnejn il-konfront tal-Premier League tal-Ħadd kontra Arsenal minħabba injury.
Robertson ilu barra mill-azzjoni għal aktar minn xahar minħabba problema fl-irkoppa, u tilef l-aħħar tliet logħbiet ta’ Liverpool b’Kostas Tsimikas jissostitwixxi lid-difensur xellugi.
L-Iskoċċiż reġa’ qed jiġri bil-mod il-mod u “qrib” li jagħmel ir-ritorn tiegħu, iżda Klopp żvela fil-konferenza stampa tiegħu ta’ qabel il-partita li l-logħba tal-Ħadd se tasal malajr wisq għalih biex jilħaq jirkupra fil-ħin.
