Tottenham Hotspur qed jaħsbu sabiex għax-xahar ta’ Jannar isaħħu t-tim speċjalment meta jerġa’ jiftaħ is-suq tat-trasferimenti.
Għajnejn il-kowċ ta’ Tottenham Antonio Conte marru fuq il-winger ta’ Everton Anthony Gordon, li għandu 21 sena u li normalment jilgħab mal-faxxa xellugija. S’issa Gordon lagħab 13-il partita fejn fiha skorja tliet gowls mat-Toffees.
Conte jixtieq plejer li jitla’ minn mal-linja u jagħti blalen lejn l-attakkanti kollegi tiegħu.
Gordon ilu jilgħab ma’ Everton sa mis-sena 2017 fejn lagħab 61 partita u skorja seba’ gowls.
