L-eks attakkant internazzjonali Taljan Antonio Cassano ma qagħadx jomgħodha u qal dak li ħass fuq Juventus u l-parteċipazzjoni tagħhom fil-UEFA Champions League.
“Niskanta kif kowċ intelliġenti bħal Allegri jibqa’ jgħid li t-tim tiegħu lagħab tajjeb kontra PSG. Kif tista’ tilgħab tajjeb u titlef ħames logħbiet minn sitta? Din qatt ma ġrat fl-istorja ta’ Juventus u kieku kont il-kowċ immur ninħeba.”
Cassano qal li Juventus kienu diżastrużi f’din il-kompetizzjoni u bassar li lanqas fil-UEFA Europa League m’huma se jinġabru.
