Il-coach ta’ Tottenham Hotspur, Antonio Conte, baqa’ fl-Italja wara t-telfa ta’ 1-0 kontra AC Milan valida mill-ewwel leg tal-Aħħar 16 tal-UEFA Champions League.
Huwa ma tħalliex jivvjaġġa bl-ajruplan lejn Londra biex ikompli jirkupra mill-kirurġija riċenti tiegħu.
Il-club ħareġ stqarrija li kienet tgħid: “Wara kontroll ta’ rutina ta’ wara l-operazzjoni, Antonio Conte se jibqa’ fid-dar tal-familja tiegħu biex jirkupra mill-kirurġija li saritlu fil-jiem li għaddew..
“Is-saħħa hija l-aktar konsiderazzjoni importanti u kulħadd fil-klabb jawguralu.
“Cristian Stellini se jassumi d-dmirijiet tal-ewwel team sakemm jirritorna Conte.”
