Id-difensur ċentrali ta’ Chelsea, Antonio Rudiger, huwa rrappurtat li jinsab lest li jiffirma l-kuntratt tiegħu ta’ Real Madrid fil-jiem li ġejjin.
Il-player ta’ 29 sena ingħaqad mal-Blues mingħand Roma fis-sajf tal-2017 bi ftehim ta’ ħames snin, u dawk it-termini issa fadlilhom inqas minn xahrejn biex jiskadu.
Chelsea għamlu bosta sforzi biex jippruvaw jorbtu lil Rudiger b’termini ġodda din is-sena, bl-internazzjonali Ġermaniż ħafna drabi jkun utiliizzat mal-ewwel 11 mill-manager Thomas Tuchel.
Madankollu, l-isforzi tal-Blues biex jinnegozjaw ftehim ġdid mad-difensur ċentrali ma ħallewx il-frott, u Tuchel dan l-aħħar ikkonferma li kien se jitlaq meta l-ftehim tiegħu jiskadi fis-sajf.
Minkejja r-rabtiet ma’ Manchester United, Barcelona u Juventus, Real Madrid ilhom għal żmien twil meqjusa bħala favoriti biex jakkwistaw lil Rudiger bħala free agent fis-suq tat-trasferimenti tas-sajf kif fil-fatt se jiġri.
