Diversi klabbs minn Spanja u l-Greċja kitbu uffiċjalment lil Manchester United sabiex jiksbu s-servizzi tal-winger internazzjonali Brażiljan Antony. Dan tal-aħħar mhux qed jiġi kkunsidrat mill-kowċ tar-Red Devils Ruben Amorim tant li ngħata parir ifittex klabb ieħor.
Antony għandu 24 sena u jilgħab l-iktar mal-linja leminija tal-grawnd. Hu ilu jilgħab f’Old Trafford sa mis-sena 2022 fejn skorja ħames gowls f’60 logħba. Fil-passat hu lagħab ukoll ma’ Sao Paulo u Ajax Amsterdam.
