L-attakkant internazzjonali Brażiljan ta’ Ajax, Antony, mhux se jkun fl-iskwadra ta’ Ajax li l-Ħadd se tilgħab kontra Utrecht.
Hemm żewġ teoriji għaliex tħalla barra. Wara li fil-jiem li għaddew innotifika lill-club li jrid imur jilgħab ma’ Manchester United, irrabja lill-coach Alfred Schreuder, fejn ġiegħlu jmur jittrenja waħdu.
It-teorija l-oħra li teżisti possibbiltá li jista’ jingħaqad mar-Red Devils.
Peró filwqt li huma għamlu offerta ta’ £74 miljun, it-talba tal-club Olandiż hija dik ta’ £100 miljun.
Issa meta fadal erbat ijiem għall-għeluq tas-suq tat-trasferimenti, wieħed jistenna jekk il-United humiex se jagħmlu din l-offerta jew inkella jiġġieldu għal prezz ġdid li bih ikunu kuntenti ż-żewġ naħat.
