Raġel ta’ 82 sena li jgħix Ħaż-Żabbar, ilbieraħ għal xi 7:00 a.m., ittieħed l-Isptar
Mater Dei wara li kien involut f’inċident fi Triq ix-Xgħajra, Ħaż-Żabbar.
Mill-ewwel stħarriġ irriżulta li r-raġel intlaqat minn vettura tal-għamla Toyota Corolla misjuqa minn raġel ta’ 70 sena residenti l-Fgura.
Huwa ngħata l-għajnuna minn tim mediku, ittieħed l-isptar b’ambulanza fejn aktar tard ġie ċċertifikat bi ġrieħi gravi.
L-investigazzjonijiet tal-Pulizija għadhom għaddejjin.