Anzjan ta’ 78 sena weġġa’ gravi wara li għall-ħabta tal-9:45 a.m kien involut f’inċident tat-traffiku li seħħ fi Triq il-Kbira San Ġużepp fil-Ħamrun.
Minn stħarriġ illi sar irriżulta li kienet seħħet ħabta bejn vettura King Long misjuqa minn raġel ta’ 33 sena residenti San Pawl il-Baħar u Dacia Duster misjuq minn raġel ta’ 53 sena residenti Santa Venera, b’konsegwenza li waħda mill-vetturi laqtet lill-anzjan li dak il-ħin kien qiegħed jaqsam it-triq.
Fil-post issejjaħ tim mediku u ambulanza li ħadet lill-anzjan lejn l-Isptar Mater Dei għal aktar kura.
L-investigazzjonijiet mill-Pulizija għadhom għaddejjin.
